RSS訂閱 今日恒大系包括恒大物業(06666)同恒大汽車(00708)都突然有炒作，兩者分別升三成及五成，真係始料不及，唔通又有春江鴨收到風？
暫時見到相關消息，就係住房城鄉建設部等多部門負責人將召開國務院政策例行吹風會，介紹切實做好保交房工作配套政策有關情況，其中包括國家住建部、金融監管總局、國有大行等各部委及機構已分別抽調各自房地產領域內的骨幹人員，成立聯合工作組；「保交樓」救助範圍或進一步擴大，收購存量住房正在討論醞釀中。
收樓呢招係咪Work就儘管去觀察先，不過阿爺呢期都係頻頻出招想救返起死寂嘅樓市，而家回眸睇返，就好似醫病咁，先打死晒你所有壞細胞，等你死到七七八八咁，就落猛藥救返起你；不過病人會唔會虛不受補就未知之數。
換個角度睇，呢個股份其實炒短線都幾和味，只要你夠手快就得，唔使理基本消息面，不過收穫越大風險越大。博客之前都想手快快想炒「新力控股」，點知一落場就「見光死」，停牌幾年之後退埋市，雖然都係唔見幾千蚊，都蒼蠅都係肉，咁輸法都幾痛，如果大家有興趣想落場炒恒大就想清楚啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
